Ermal Krasniqi është padyshim njëri nga lojtarët shqiptarë më të talentuar dhe më në formë të momentit, gjë që po e tregon te Cluj.

Forma e tij nuk ka kaluar pa rënë në sy të disa ekipeve të njohura që luajnë në Serie A dhe Mallorcës që luan në La Liga, por për këtë është ende shpejt të flasim.

“Nga burime pranë lojtarit mësojmë se Kosova i ka dërguar ftesë Krasniqit për ndeshjet e marsit, por ai e ka lënë pezull, pasi po pret ftesën e Shqipërisë. Dëshira e madhe e lojtarit është të përfaqësojë Shqipërinë dhe në rast të një thirrje nga Sylvinho, ai do i përgjigjej direkt pozitivisht”, shkruan mediumi cna.al.

Ermal Krasniqi ishte një prej elementeve që ka shkëlqyer me Ilir Dajën te Ballkani.

Sulmuesi 24-vjeç do ta bënte hapin e madh për të kaluar te Cluj në Rumani.

Menjëherë debutoi me gol ndaj Constanta në kampionat dhe siguroi vendin e titullarit.

Ai është ftuar vetëm në një miqësore nga Kosova, por nuk ka debutuar ende në ndeshje zyrtare.